តាមរយៈការចូលប្រើប្រាស់ ឬបន្តប្រើប្រាស់ WiFiX នៅទីក្រុងនរា មានន័យថាអ្នកបានអាន និងយល់ព្រមលើលក្ខខណ្ឌ និងកិច្ចព្រមព្រៀងដូចខាងក្រោម៖

សេវានេះផ្តល់ជូនដោយឥតគិតថ្លៃសម្រាប់ភ្ញៀវនៅកោះនរា ក្រោមកិច្ចសហការជាមួយក្រុមហ៊ុនផ្តល់សេវា Wi-Fi។
អ្នកយល់ព្រមមើលពាណិជ្ជកម្ម មុនពេលប្រើប្រាស់ ឬពេលកំពុងប្រើប្រាស់ និងបន្ទាប់ពីប្រើប្រាស់WiFi
អ្នកយល់ព្រមទទួលមាតិកាពាណិជ្ជកម្ម ការផ្តល់ជូនពិសេស ឬយុទ្ធនាការផ្សព្វផ្សាយ តាមរយៈ Telegram, សារ SMS ឬបណ្តាញឌីជីថលផ្សេងៗដែលភ្ជាប់ជាមួយការចុះឈ្មោះរបស់អ្នក។
អ្នកយល់ព្រមផ្តល់លេខទូរស័ព្ទ ដើម្បីចូលប្រើប្រាស់WiFi
អ្នកយល់ព្រម និងទទួលស្គាល់ថា ការចូលប្រើប្រាស់WiFi គឺស្ថិតក្រោមហានិភ័យផ្ទាល់ខ្លួនរបស់អ្នក។
អ្នកយល់ព្រមឱ្យក្រុមហ៊ុនប្រមូល និងប្រើប្រាស់ទិន្នន័យរបស់អ្នក (រួមមានសកម្មភាពប្រើប្រាស់ ប្រភេទឧបករណ៍ និងអាកបកិរិយានៃការប្រើប្រាស់) ក្នុងលក្ខខណ្ឌដើម្បីកែលម្អគុណភាពសេវា ប្តូរតាមតម្រូវការផ្ទាល់ខ្លួន និង ការផ្សព្វផ្សាយពាណិជ្ជកម្មផ្សេងៗ។
ក្រុមហ៊ុនផ្តល់សេវា Wi-Fi មិនទទួលខុសត្រូវចំពោះការខូចខាត ឬការបាត់បង់បន្តបន្ទាប់ដែលកើតឡើងដោយសារការពន្យារពេលសេវា ហើយសេវា Wi-Fi ត្រូវបានផ្តល់ជូន “តាមស្ថានភាពដែលមានស្រាប់” ដោយគ្មានការធានាប្រភេទណាមួយ ទាំងបញ្ជាក់ និងប៉ាន់ស្មាន។
សេវានេះដំណើរការជាបណ្តាញ Wi-Fi សាធារណៈ។ ទោះបីមានវិធានការសុវត្ថិភាពក៏ដោយ អ្នកប្រើប្រាស់ត្រូវទទួលស្គាល់ថា Wi-Fi សាធារណៈមានហានិភ័យជាប់មកជាមួយ ហើយត្រូវបានណែនាំឱ្យប្រើឧបករណ៍ការពារផ្ទាល់ខ្លួន (ដូចជា VPN, កម្មវិធីកំចាត់មេរោគ, Firewall)។
ក្រុមហ៊ុនមិនទទួលខុសត្រូវចំពោះការចូលប្រើដោយគ្មានអនុញ្ញាត ការលួចចូលប្រព័ន្ធ មេរោគ ឬកម្មវិធីបង្កគ្រោះថ្នាក់ផ្សេងៗ ដែលអ្នកអាចទទួលបានក្នុងពេលប្រើប្រាស់សេវា។
ក្រុមហ៊ុនមិនទទួលខុសត្រូវចំពោះការបាត់បង់ ការខូចខាត ឬការលេចធ្លាយទិន្នន័យណាមួយ ដែលកើតឡើងពីការប្រើប្រាស់សេវានេះ។
ក្រុមហ៊ុនរក្សាសិទ្ធិក្នុងការកែប្រែ ឬធ្វើបច្ចុប្បន្នភាពលក្ខខណ្ឌ និងកិច្ចព្រមព្រៀងនេះ ដោយមិនចាំបាច់ជូនដំណឹងជាមុន។
ក្រុមហ៊ុនរក្សាសិទ្ធិក្នុងការផ្អាក ឬបិទការចូលប្រើប្រាស់ ប្រសិនបើអ្នកប្រើប្រាស់រំលោភលក្ខខណ្ឌ ឬប្រើប្រាស់សេវាខុសបំណង។

លក្ខខណ្ឌនៃការប្រើប្រាស់ (Terms of Use)

អ្នកបានយល់ព្រមមិនប្រើប្រាស់សេវានេះសម្រាប់៖

សកម្មភាពខុសច្បាប់ រួមមានការបោកប្រាស់ ការលួចចូលប្រព័ន្ធ ឬការចូលប្រើដោយគ្មានអនុញ្ញាត។
មើល ទាញយក ឬចែកចាយមាតិកាដែលបង្កគ្រោះថ្នាក់ មិនសមរម្យ ឬមានសិទ្ធិបញ្ញារក្សាទុក ដោយគ្មានការអនុញ្ញាត។
សកម្មភាពដែលអាចរំខាន បំផ្លាញ ឬបន្ថយគុណភាពសេវាសម្រាប់អ្នកប្រើប្រាស់ផ្សេងទៀត។
ផ្ញើសារ Spam មេរោគ ឬមាតិកាបោកប្រាស់ (Phishing)។

ការទទួលខុសត្រូវរបស់អ្នកប្រើប្រាស់ (User Liability)

អ្នកប្រើប្រាស់ត្រូវទទួលខុសត្រូវ និងសងសំណងដល់ក្រុមហ៊ុន ឬភាគីទីបី ចំពោះការខាតបង់ណាមួយ (រួមទាំងការខាតបង់បន្តបន្ទាប់) ដែលកើតឡើងពីការបោកប្រាស់ ការធ្វេសប្រហែស ឬការរំលោភលក្ខខណ្ឌប្រើប្រាស់ជាក់លាក់។
អ្នកនឹងត្រូវទទួលខុសត្រូវចំពោះការខាតបង់ណាមួយដែលកើតឡើងពីការចូលប្រើដោយគ្មានអនុញ្ញាត ឬការប្រើប្រាស់ខុសបំណងលើផ្នែកណាមួយនៃសេវា។